Qar Cəlilabadda bir sıra fəsadlar törədib.AZƏRTAC-ın bölgə müxbiri xəbər verir ki, qarın çox yağması səbəbindən Cəlilabad şəhər sakini Saməddin Muradova məxsus evin çardağı aşıb. Qar kütləsinin ağırlığından aşan çardaq ev sahibinə məxsus maşının üstünə düşüb. Xəsarət alan olmasa da, avtomobilə ciddi ziyan dəyib. Bundan əlavə, rayon ərazisində bəzi ağaclar qarın ağırlığına tab gətirməyərək aşıb. Aidiyyəti qurumlar fəsadların aradan qaldırılması üçün tədbirlər görürlər.