CƏMİYYƏT


Qusarlı ustanın retro maşınları - 50 min manatlıq “ZİM”, 20 min manatlıq “Pobeda”

Yetmiş yaşlı Gülmət Şahbazov retro avtomobil həvəskarıdır. Qusar sakininin bu qəbildən olan iki maşını var. 1947-ci ildə istehsal olunan “QAZ-M20” (“Pobeda”) və 1953-cü ildə istismara verilən “QAZ-12” (ZİM) markalı avtomobillər onun qarajının bəzəyidir. AZƏRTAC-ın bölgə müxbiri xəbər verir ki, Gülmət Şahbazovun gündəlik istifadə etdiyi “QAZ-12” saz vəziyyətdədir. 70 il əvvəlin maşını olsa da, heç vaxt sahibini yolda qoymayıb.