Əfqanıstanda qida çatışmazlığının səviyyəsi bütün zamanların ən yüksək həddinə çatır və ölkənin demək olar ki, yarısı aclıqdan əziyyət çəkir. AZƏRTAC “NBC News”a istinadla xəbər verir ki, bu barədə BMT-nin Qida Agentliyinin Kabildəki nümayəndəsi Filip Kropf bildirib. Onun sözlərinə görə, hazırda ölkədə hər ikinci insan qidalanma ilə bağlı problemlər yaşayır. 40 milyon əhalisi olan ölkədə 7 milyon uşaq (5 yaşdan aşağı) və analar pis qidalanır.