Göyçayda zəncirvari yol-nəqliyyat hadisəsi baş verib, yaralılar var.
AZƏRTAC xəbər verir ki, hadisə gecə saatlarında Göyçay-Qarabaqqal-Bığır avtomobil yolunun Hacalıkənd kəndi ərazisindən keçən hissəsində qeydə alınıb. İlkin məlumatlara görə, İki "VAZ 21015", "VAZ 2106" və "Mercedes" markalı minik avtomobillərinin iştirakı ilə qəza baş verib. Hadisə nəticəsində "VAZ 21015" markalı avtomobillərdən birinin sürücüsü, 1984-cü il təvəllüdlü Alməmmədov Kamil Əziz oğlu və sərnişini, 1968-ci il təvəllüdlü Xəlilova Ərzi İsrafil qızı xəsarət alıb. Yaralılar Göyçay rayon Mərkəzi Xəstəxanasına çatdırılıb. Qəzanın baş verməsi səbəbindən sözügedən yolda nəqliyyatın hərəkəti yarım saat ərzində dayanıb, böyük məsafədə tıxac yaranıb. Əraziyə cəlb edilən DYP-nin əməkdaşları nəqliyyatın hərəkətini bərpa edib.