Azərbaycan hər zaman humanizm dəyələrini təbliğ, dünyada mövcud olan problemlərin həllini dialoq formasında təqdim edən bir ölkədir. Biz dünyanın gələcəyini mədəniyyətlərin qarşıdurmasında yox, onların dialoqunda görürük. Bu sözləri AZƏRTAC-a müsahibəsində siyasi ekspert Elçin Mirzəbəyli söyləyib.
O, X Qlobal Bakı Forumuna ölkəmizin ev sahibliyi etməsinin xüsusi əhəmiyyəti olduğunu qeyd edib. “Dövlətin beynəlxalq müstəvidə rolu onun ərazi və əhali göstəricisi ilə müəyyənləşmir”- deyən politoloq Azərbaycanın beynəlxalq aləmdə məsuliyyətini dərindən dərk edib işini uğurla gördüyünü bildirib.