Pakistanın Svat vadisinin şimal-qərbində terrorla mübarizə idarəsinin silah-sursat anbarının partlaması nəticəsində azı 13 nəfər həlak olub. Ölkə polisi anbarlarda iki partlayışın baş verdiyini, 50 nəfərin müxtəlif dərəcəli xəsarət aldığını bildirib. Hüquq-mühafizə orqanlarının əməkdaşları sursatın elektrik şəbəkəsindəki qısaqapanma nəticəsində alovlandığını istisna etmirlər. Ölənlərin əksəriyyəti anbarlarda işləyən polis əməkdaşları olub. Hətta yaxınlıqdan keçən uşaqlı qadın da hadisə yerində həlak olub.