İsveç səyyahlar qrupunun işğaldan azad edilmiş ərazilərə səfəri davam edir. Füzuli-Xocavənd-Ağdam-Kəlbəcər-Laçın-Zəngilan-Cəbrayıl marşrutu üzrə hərəkət edən səyyahların növbəti dayanacaq yeri mayın 12-də Laçın olub.
AZƏRTAC-ın bölgə müxbiri xəbər verir ki, qrupa “Club 100”un İdarə Heyətində təmsil olunan Bengt Hildebrand rəhbərlik edir. İsveçdən gəlmiş heyətə 30-dan çox beynəlxalq səyahətçi daxildir.