Komando Dağ Təlim Mərkəzində Heydər Əliyev adına Hərbi İnstitutun dördüncü kurs kursantlarının iştirak etdiyi "Komando başlanğıc kursu" davam edir.
Müdafiə Nazirliyinin mətbuat xidmətindən AZƏRTAC-a verilən məlumata görə, plana uyğun olaraq, təhlükəsizlik qaydaları çatdırıldıqdan sonra hərbi institutun kursantları sıra və fiziki hazırlıqdan müxtəlif normativləri icra edir, təlim sahəsində silahların döyüşə hazır vəziyyətinə gətirilməsi, eləcə də şərti düşmən hədəflərinin aşkarlanaraq atəşlə məhv edilməsi vərdişlərini təkmilləşdirirlər.