Müstəqillik Günü İndoneziyada qeyd olunub
29.05.2023 [14:55]
Xəbərin mətni
Azərbaycanın İndoneziyadakı səfirliyi 28 May - Müstəqillik Gününə həsr olunan tədbir keçirib.
Səfirlikdən AZƏRTAC-a bildiriblər ki, İndoneziya Prezident Administrasiyasının, Xarici İşlər Nazirliyinin, digər dövlət qurumlarının nümayəndələri, diplomatlar, media təmsilçiləri iştirak ediblər. Qonaqlar əvvəlcə Azərbaycanın təbiət gözəlliklərini əks etdirən fotostendlə tanış olublar.
Müstəqillik Günü münasibətilə İndoneziyanın ən hündür binası olan “Gama Towers” (285 metr) üzərində Azərbaycan bayrağının videoproyeksiyası nümayiş olunub.
