Çinin kosmik stansiyasının quraşdırılmasında iştirak etmiş “Şencou-15” (“Shenzhou-15”) missiyasının kosmonavtları 6 aylıq fəaliyyətdən sonra Yerə qayıdıblar.
AZƏRTAC xəbər verir ki, kosmonavtlar Fey Cunlon (heyətin kapitanı), Den Çinmin və Can Lunu gətirən “Şencou-15” kosmik gəmisinin xüsusi kapsulu Pekin vaxtı ilə iyunun 3-də axşam 21:29-da “Tienqon” (“Tiangong”) kosmik stansiyasından ayrılıb. Kapsul iyunun 4-də səhər saat 6:33-də Qobi səhrasındakı “Donfen” meydançasına enib. Həkimlər kosmonavtların sağlamlıq vəziyyətlərinin yaxşı olduğunu açıqlayıblar. Onlar xüsusi təyyarə ilə Pekinə yola salınıb.