Məlumatı Çinin Milli İqlim Mərkəzi açıqlayıb. Bildirilir ki, cari il ərzində regional səviyyədə 4 isti hava hadisəsi qeydə alınıb, 21 dəfə ölkə səviyyəsində xəbərdarlıq elan edilib. Bu xəbərdarlıqların 4-ü dördpilləli sistem üzrə yuxarıdan 2-ci olan “narıncı” səviyyədə olub. Havanın hərarətinin 35 dərəcədən (Selsi) yuxarı olduğu isti günlərin sayı orta hesabla 4,1 olub. Bəzi yaşayış məntəqələrində isti günlərinin sayı 10-dan da çox olub.