Çinin şimal-şərqindəki Heyloncian vilayətində orta məktəbin idman zalının damının uçması nəticəsində 11 nəfər ölüb.
AZƏRTAC vilayət hökumətinin məlumatına istinadla xəbər verir ki, bədbəxt hadisə iyulun 23-də Çiçihar şəhərində baş verib. Şəhərin Lonşa rayonundakı 34 nömrəli məktəbin idman zalının damı yerli vaxtla saat 14:56-da (Bakı vaxtı ilə 10:56) çöküb. Təxminən 1200 kvadratmetr sahəsi olan idman zalında hadisə baş verən zaman binada 19 nəfər olub, onlardan dördü dağıntı altından çıxmağa müvəffəq olub.