Çindəki diametri 500 metr olan dünyanın ən böyük və ən həssas radioteleskopu (FAST) fəaliyyətə başladığı 2016-cı ildən bəri 800-dən çox yeni pulsar aşkarlayıb.
AZƏRTAC xəbər verir ki, bu barədə teleskopun operatoru olan Çinin Milli Astronomiya Rəsədxanası açıqlama yayıb. Teleskopun baş mühəndisi Cian Pen deyib ki, FAST-ın sözügedən dövrdə aşkarladığı pulsarların sayı xaricdəki bütün teleskopların aşkarladığı pulsarların ümumi sayından 3 dəfə çox olub.