Bu gün bir çox insanlar yeni tikili və ya tikiləcək binalardan mənzillər alırlar. Lakin bəzi hallarda Bakı və Abşeronda yenitikili binaların inşası ilə məşğul olan Mənzil Tikinti Kooperativlərindən təmirsiz mənzil alarkən vətəndaşların aldadılması hallarına rast gəlinir. Əmlak eksperti, Azərbaycan Qiymətləndiricilər Cəmiyyətinin idarə heyətinin sədri Vüqar Orucov bildirdi ki, Mənzil Tikinti Kooperativlərində mənzil alarkən başlıca olaraq həmin şirkətlərin təqdim etdiyi müqavilələrdə mənzillərin sahələrinə diqqət yetirmək lazımdır. Çünki, bir çox halllarda bu sahələr sonradan əmlak xidmətindən, reystrdən çıxarış alan zaman fərqli sürətdə dəyişir.