Sentyabrın 9-dan 10-na keçən gecə Rusiya silahlı qüvvələri tərəfindən Kiyevin beş rayonuna kamikadze dronlarla hücum olub. Nəticədə dağıntılar, yanğınlar baş verib, xəsarət alan var.
AZƏRTAC xəbər verir ki, bu barədə Kiyev şəhər meri Vitali Kliçko bildirib.
Onun sözlərinə görə, kamikadze dronlardan birinin qalıqları Şevçenko rayonunda çoxmərtəbəli binada mənzilə düşüb.
Paytaxtın Darnitski rayonunda isə kamikadze dronun qalıqları qeyri-yaşayış binasının üzərinə düşüb. İlkin məlumata görə, itki yoxdur.