“Baykar” şirkətinin texniki direktoru, “Texnofest” İdarə Heyətinin sədri Selçuk Bayraktar Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin "Bilim Bakı" mərkəzini ziyarət edib. O, burada dərslərin gedişatı ilə tanış olub, həmçinin şagirdlərlə həmsöhbət olub.
Qeyd edək ki, yaxın gələcəkdə Naxçıvan, Gəncə, Şəki və Qubada Bilim Mərkəzləri yaradılacaq, həmçinin ölkə daxili Bilim hər yerdə layihəsi də həyata keçiriləcək. Layihə çərçivəsində öncə Zəngilanın Ağalı kəndinə Bilim Bakının müəllimləri ezam olunacaq və oradaki uşaqlarla təlimlər keçiriləcək.