Abşeron Rayon Polis İdarəsi və ərazi üzrə Qobu, Mehdiabad və Saray Polis Bölmələri hüquqpozmalara qarşı növbəti profilaktiki tədbirlər keçiriblər.

Bu barədə AZƏRTAC-a Daxili İşlər Nazirliyindən məlumat verilib.
Bildirilib ki, tədbirlərlə saxlanılan əvvəllər məhkum olunmuşlar - Qobu qəsəbə sakini 1988-ci il təvəllüdlü Tural Əliağayevdən bir “TT” markalı tapança, iki patron, bir patron darağı, 1984-cü il təvəllüdlü Ramil Kamilovdan bir “AK-74” markalı avtomat, 10 patron, 1 patron darağı, Məmmədli kənd sakini 1998-ci il təvəllüdlü Mustafa Qəhrəmanovdan 1 “Kalaşnikov” avtomatı, 7 patron, bir patron darağı, Saray qəsəbə sakini 1985-ci il təvəllüdlü Pərviz Hüseynovdan 1 “TT” markalı tapança, iki patron və 1 ədəd patron darağı aşkarlanaraq götürülüb.