ABŞ-da Hellouin şənliklərində baş verən atışmalarda azı 6 nəfər ölüb, 40-dan çox adam yaralanıb.
AZƏRTAC xəbər verir ki, bu barədə NBC telekanalı məlumat yayıb.
Hellouin ənənəvi olaraq oktyabrın 31-də qeyd olunur, lakin bu tarix 2023-cü ildə iş gününə düşdüyü üçün Amerikanın bir çox şəhərlərində şənliklər oktyabrın 28-dən 29-na keçən gecə baş tutub.
ABŞ-da bir neçə oxşar partiyada atışma baş verib: Tampa şəhərində (Florida) atışmaya çevrilən kütləvi dava nəticəsində iki nəfər həlak olub, daha 18 nəfər müxtəlif dərəcəli xəsarət alıb.