Azərbaycan Dövlət İnformasiya Agentliyi

CƏMİYYƏT

Neftçalada 12 nəfərdən qanunsuz saxlanılan odlu silahlar götürülüb

03.11.2023 [12:52]

Neftçala Rayon Polis Şöbəsinin əməkdaşları tərəfindən qanunsuz saxlanılan silah-sursatın aşkarlanaraq götürülməsi istiqamətində əməliyyat-axtarış və profilaktiki tədbirlər davam etdirilir.
Daxili İşlər Nazirliyinin mətbuat xidmətinin Şirvan regional qrupundan verilən məlumata görə, keçirilən müvafiq tədbirlər nəticəsində 12 nəfər rayon sakinindən müvafiq sənədləri olmayan müxtəlif marka və kalibrli ov tüfəngləri aşkar edilərək götürülüb. Faktlarla bağlı Neftçala RPŞ-də araşdırmalar davam etdirilir.