Vətən müharibəsi zamanı bizə növbəti döyüş tapşırığı gəldi. Ermənilərin iki postunun arasında yerləşən düşmən mövqeyini ələ keçirdik. Səhər hava işıqlananda düşmən gördü ki, yanlarındakı postda Azərbaycan Bayrağı dalğalanır. Təşvişə və qorxuya düşən ermənilər öz mövqelərinə atəş açmağa başladılar.
Bu fikirləri AZƏRTAC-a müsahibəsində Vətən müharibəsində sol ayağını itirən, Azərbaycan Ordusunun ehtiyatda olan zabiti, baş leytenant Xəyal Quliyev deyib. Müharibə zamanı sol ayağını itirən qazimiz Qələbə xəbəri ilə ayağının acısını unutduğunu, zabit kimi əsgərlərimizin cəsarətinə heyran qaldığını bildirib.