Fövqəladə Hallar Nazirliyi (FHN) Qarabağ Regional Mərkəzinin təşkilatçılığı ilə "Azərbaycan Respublikasının 2023-cü il üçün Mülki müdafiə tədbirləri planı"na uyğun olaraq Bərdə rayonunda "İrimiqyaslı fövqəladə hadisələrin nəticələrinin aradan qaldırılması zamanı mülki müdafiə orqan və qüvvələrinin idarə edilməsinin təşkili" mövzusunda kompleks mülki müdafiə təlimi keçirilib. Təlimdə Qarabağ Regional Mərkəzinin rəhbərliyi, Rayon İcra Hakimiyyətinin məsul şəxsləri, FHN-in aidiyyəti qurumlarının nümayəndələri, Rayon İcra Hakimiyyətinin Mülki müdafiə qərargahı, rayonun mülki müdafiə xidmətləri, ərazi və obyekt mülki müdafiə dəstələri, idarə, müəssisə və təşkilatların rəhbərləri və mülki müdafiə sahəsində cavabdeh şəxslər iştirak ediblər.