CƏMİYYƏT


DYP hava ilə bağlı hərəkət iştirakçılarına müraciət edib

Bakı Şəhər Dövlət Yol Polisi (DYP) İdarəsi mövcud hava şəraiti ilə bağlı hərəkət iştirakçılarına müraciət edib.Müraciətdə hərəkət iştirakçıları qeyri-sabit hava şəraitinin paytaxt yollarında xoşagəlməz hadisələrə səbəb olmaması üçün ehtiyatlı olmağa, yolların sürüşkənliyini nəzərə alaraq sürət həddini minimuma endirməyə, ara məsafəsini normadan artıq saxlamağa, nəqliyyat vasitələrinin texniki sazlığına diqqət yetirməyə çağırılıb. “Bununla yanaşı, piyadalardan da əlverişsiz hava şəraitinin yaratdığı çətinlikləri nəzərə alaraq, yollarda öz həyat və sağlamlıqlarına qarşı daha diqqətli olmalarını, yol hərəkəti qaydalarına sözsüz əməl etmələrini xahiş edirik”, - müraciətdə deyilir.