Çinin Sincan Uyğur Muxtar Rayonunun Ağsu prefekturasında yanvarın 23-də gecə saat 2 radələrində 7,1 bal gücündə zəlzələ baş verən zaman xəstəxanada neyrocərrahi əməliyyatda olan həkimlərin və tibb işçilərinin soyuqqanlı davranışları müşahidə kameraları tərəfindən görüntülənib. Prefekturanın Aral şəhərindəki xəstəxanada pasiyentin beynində həyati əhəmiyyətli kraniotomiya əməliyyatı aparan tibb işçiləri zəlzələ barədə məlumatı eşitdikdən sonra olduqca təmkimli davranaraq, yerlərindən tərpənmədən əməliyyatı davam etdiriblər. Cərrahi əməliyyat uğurla başa çatıb.