Bir həftədən çoxdur ki, Cənubi Koreyada həkim-internaların və rezident həkimlərin hökumətin universitetlərin tibb ixtisaslarına qəbul kvotasını artırmaq planına etiraz olaraq keçirdikləri tətil davam edir. Bu etiraz aksiyası Cənubi Koreyanın səhiyyə sektorunda ciddi böhran yaradıb. Ümumi ölkə üzrə 9 mindən çox həkim-interna və rezident həkim 8 gündür işə çıxmır. Bu da ölkə üzrə həkim-internaların təxminən 70 faizi deməkdir. Tətil edən həkim-internaların böyük hissəsi akademik məzuniyyət və ya işdən çıxmaq üçün ərizə yazıb. Tətil ölkədəki bəzi xəstəxanalarda əməliyyatların ləğv edilməsinə və ya təxirə salınmasına səbəb olub.