Azərbaycan Dövlət İnformasiya Agentliyi

DÜNYA

Çinin Ayın görünməyən tərəfindən gətirdiyi süxur nümunəsinin çəkisi iki kiloqrama yaxındır

28.06.2024 [15:43]

Xəbərin mətni

Çinin “Çanye-6” zondunun Ayın görünməyən tərəfindən topladığı və iyunun 25-də Yerə çatdırdığı süxur nümunələrinin çəkisi 1,935 kiloqramdır.
AZƏRTAC xəbər verir ki, bu barədə Çin Milli Kosmos Administrasiyası açıqlama yayıb.
Süxur nümunələri Pekində keçirilən xüsusi mərasimdə araşdırma üçün elm qurumlarına təqdim olunub. Bu süxur nümunələri Ayın geoloji təkamül tarixinin daha dolğun öyrənilməsinə kömək edəcək.