Emissiyalar üzrə hesablamalarımız aydın şəkildə göstərir ki, temperatur artımının 1,5 dərəcədən aşağı qalmasını istəyiriksə, indi ilə 2030-cu il arasında emissiyaları 41 faiz azaltmalıyıq. Bu, çox çətin tapşırıq kimi görünür və əslində belədir. Çünki iqlim məsələsini 30 il təxirə salmışıq. Beləliklə, indi irəli getmək vaxtıdır. Əgər meşələrə bunu etməyə imkan versək, meşələr bizə kömək edəcək.
AZƏRTAC xəbər verir ki, bu fikirləri BMT-nin Ətraf Mühit Proqramının (UNEP) icraçı direktoru İnger Andersen COP29 çərçivəsində keçirilən “İqlim, təbiət və insanlar üçün meşələr: meşələr üçün iqlim maliyyəsindən istifadə” mövzusunda yüksəksəviyyəli tədbirdə çıxışında səsləndirib.