“Azərbaycan Hava Yolları”nın Bakı–Qroznı reysini yerinə yetirən sərnişin təyyarəsinin qəzaya uğraması ilə əlaqədar elan olunmuş matəm günündə ölkəmizin Fransadakı səfirliyində dövlət bayrağı endirilib.
AZƏRTAC xəbər verir ki, səfirlik Fransadakı aidiyyəti qurumlara, eləcə də bu ölkədəki diplomatik nümayəndəliklərə nota göndərib. Matəmlə əlaqədar dekabrın 26-27-də səfirlikdə xatirə kitabı açılıb. Həmçinin səfirliyin sosial şəbəkə hesablarında hadisə ilə əlaqədar paylaşım edilib.