Naxçıvanda Bahar festivalı keçirilir
21.03.2025 [17:06]
Xəbərin mətni
Hər qarışı Naxçıvanın qədim, zəngin dövlətçilik tarixindən danışan Əcəmi Seyrəngahı baharın gəlişini qonaq-qaralı qarşılayır. Martın 18-dən etibarən hər gün səhərin erkən saatlarından böyükdən-kiçiyə insanlar Bahar festivalına (“Baharfest”) tamaşa edib, yazın gəlişini, Novruz bayramını milliliyimizə xas, adət-ənənələrə uyğun qeyd etmək üçün yolunu bu ünvandan salır. Şərqdə qadının şərəfinə ucaldılan ilk tarixi abidə - Möminə xatın türbəsinin, Açıq Səma Altında Muzeyin, Xan Sarayının önündə, qocaman çinarların əhatəsində yazın təravətli nəfəsi insanı özünə çəkir...
