Azərbaycanda rəqəmsal iqtisadiyyatın inkişafına töhfə verəcək superkompüter infrastrukturu yaradılacaq
11.07.2025 [16:14]
Xəbərin mətni
Azərbaycanın sənaye transformasiyası istiqamətində uğurları beynəlxalq miqyasda tanınır. “SOCAR Türkiyə”yə məxsus “Petkim” və “STAR” zavodları artıq Dünya İqtisadi Forumunun dünyada ən qabaqcıl rəqəmsallaşdırılmış sənaye sahələri üçün qəbul edilən nüfuzlu beynəlxalq mükafat olan “Digital Lighthouse” mükafatına layiq görülüb. İki il yarımlıq genişmiqyaslı transformasiya fəaliyyətindən sonra bu il “SOCAR Karbamid” zavodu da bu mükafata namizədlər siyahısındadır. AZƏRTAC xəbər verir ki, bu barədə iqtisadiyyat naziri Mikayıl Cabbarov "Sənaye 4.0 forumu - Gələcəyin sənayesi: Texnologiya və insan gücü" mövzusunda keçirilən tədbirdə deyib.
