Tacikistandan olan mütəxəssislər ANAMA-nın əməkdaşlarına təlimlər keçib
18.08.2025 [14:09]
Xəbərin mətni
Azərbaycan Respublikasının Minatəmizləmə Agentliyinin (ANAMA) əməkdaşlarına Tacikistan Milli Minatəmizləmə Mərkəzinin mütəxəssisləri tərəfindən mürəkkəb relyefli ərazilərdə minatəmizləmə əməliyyatları üzrə on iki gün müddətində nəzəri və praktiki təlimlər keçirilib. Təlimlər ANAMA ilə meşə və dağlıq ərazilərdə minatəmizləmə fəaliyyətində təcrübəyə malik Tacikistan Milli Minatəmizləmə Mərkəzi arasında imzalanmış Anlaşma Memorandumuna uyğun olaraq təşkil edilib.
