Naxçıvanda qədim sənət yaşadılır - Hüseyn ustanın başmaqçı dükanı
01.04.2026 [15:45]
Xəbərin mətni
Qədim tarixə malik başmaqçılıq yalnız bir sənət növü deyil, həm də xalqımızın zəngin mədəni irsinin ayrılmaz hissəsidir. Dərinin kəsilərək hazır hala gətirilməsi, tikiş üsulları və formanın verilməsi kimi mərhələlər xüsusi bacarıq, səbir və təcrübə tələb edir. Bu mənada, başmaqçı ustalar yalnız ayaqqabı hazırlamır, həm də hər bir nümunədə öz yaradıcılıq dünyasını əks etdirirlər. Belə sənətkarlardan biri də Naxçıvan şəhərinin Xətai məhəlləsində, el arasında “Köhnə bazar” kimi tanınan ərazidə fəaliyyət göstərən Hüseyn Mahmudovdur.
