Talış yüksəkliyindən boylanan zəfər: Aprel döyüşlərinin qəhrəmanları danışır
04.04.2026 [13:59]
Xəbərin mətni
Azərbaycan Ordusunun parlaq tarixi qələbələrindən biri olan şanlı Aprel döyüşlərindən 10 il ötür. 2016-cı il aprelin 2-də Ermənistan silahlı qüvvələrinin təxribatlarına cavab olaraq həyata keçirilən əks-hücum əməliyyatı nəticəsində Azərbaycan Ordusu düşmənə sarsıdıcı zərbə endirdi. Qısa müddətdə Füzuli, Cəbrayıl və Ağdərə rayonlarının işğal altında olan 2000 hektardan artıq ərazisi azad edildi, minlərlə hektar sahə isə ordumuzun nəzarətinə keçdi. Bu qələbə 23 ildən sonra xalqımıza ilk zəfər sevincini yaşatmaqla yanaşı, böyük qayıdışın və sonrakı qələbələrin müjdəçisi oldu.
