Nüfuzlu “The Korea Times” qəzetində “Ermənistanda nüvə təsisatı” adlı məqalə dərc olunub. Müəllif Çoe Çonq-de Ermənistanın sabiq Baş naziri Qrant Baqratyanın Ermənistanda nüvə silahının olmasına dair bəyanatının təəssüfverici olduğunu bildirərək qeyd edir ki, qonşu Azərbaycan ilə münaqişə vəziyyətini nəzərə alsaq, bu bəyanat narahatlıq doğurur. Cənubi koreyalı jurnalist bəyanatın doğru olacağı təqdirdə müharibənin təkrar başlaya biləcəyini, bu bəyanatın ciddi qəbul edilməli olduğunu vurğulayıb.