AQTA məktəb ətrafında enerji içkilərinin satışının məhdudlaşdırılmasını tövsiyə edir ARAŞDIRMA
19.11.2018 [14:30]
Əsasən gənclərin çox istifadə etdiyi energetik içkilər hər zaman aktual problemlərdən biridir. Çox vaxt həmin içkilərin müsbət təsirləri barədə gənclər və yeniyetmələr arasında cəlbedici reklamlar, təbliğatlar aparılır. Bu içkilərin ən təhlükəli tərəfi isə aludəçilik yaratmasıdır. Energetik içkilərin tərkibinə şəkər, saxaroza, qlükoza, dadlandırıcı və ətirli maddələr qatılır ki, bu cür maddələrin həddən artıq qəbulu isə mədəaltı vəzdə problemlərə, qaraciyərin piylənməsinə, kökəlməyə, iştahsızlığa gətirib çıxarır.
