Ukrayna millətinin tanınmış nümayəndələrinin 100-dən artıq fiquru, onlarla bağlı 25 süjet kompozisiyası, həmçinin qədim əmək alətləri və müxtəlif dövrlərin silahları Kiyevdə açılan “Ukrayna millətinin təşəkkülü” adlanan innovasiyalı muzeyin eksponatıdır.

AZƏRTAC xəbər verir ki, bütün fiqurların mumdan deyil, silikondan hazırlanması, bəzi fiqurların hətta danışmağı bacarması  və ziyarətçilərin hərəkətlərinə reaksiya vermələri diqqətəlayiqdir. Təqdim olunan hər bir ekspozisiya səslə müşayiət edilir, xüsusi effektlərə və hətta qoxuya malikdir.