Florida ştatının qubernatoru Ron Desantis ABŞ sahillərinə yaxınlaşan “Dorian” qasırğası səbəbindən əhalini bir həftəlik ərzaq, su və dərman ehtiyatı toplamağa çağırıb.
Xatırladaq ki, “Dorian” qasırğasının Florida sahillərinə yaxınlaşması ilə əlaqədar ştatda fövqəladə vəziyyət rejimi elan olunub. Son məlumata əsasən, dördüncü təhlükə səviyyəsinə yüksələn qasırğanın mərkəzində küləyin sürəti saatda 130 milə (209 kilometr) çatır. Təbii fəlakətin sentyabrın 1-də Baham adalarına, növbəti gün isə Florida ştatına yetişəcəyi gözlənilir.