UNESKO-nun Baş Konfransı çərçivəsində Azərbaycan Xarici İşlər nazirinin müavini Ramiz Həsənov Sinqapurun Mədəniyyət, İcmalar və Gənclər naziri Qreys Fu ilə görüşüb.
AZƏRTAC xəbər verir ki, görüşdə Sinqapur naziri ölkəsinin elm, təhsil və mədəniyyət sahələrində Azərbaycanla əməkdaşlıqda maraqlı olmasından, bu sahələrdə əlaqələrin inkişaf etdirilməsinin vacibliyindən söz açıb. O, ölkəsində təhsil və elm sahəsində baş verən proseslərə toxunub. Qreys Fu Azərbaycanın maddi mədəni irs sahəsində təcrübəsini öyrənməkdə maraqlı olduqlarını bildirib.