İndoneziyanın paytaxt bölgəsində, Yeni il gecəsi başlayan və selə səbəb olan güclü yağışlar davam edir. Bu barədə "Jakarta Post" qəzeti məlumat yayıb. Xəbərdə deyilir ki, Cakartanın 90 bölgəsində çayların daşması nəticəsində baş verən fəlakət qurbanlarının sayı 43 nəfərə çatıb. Onlarla insan xəsarət alıb və ya itkin düşüb. Fəlakət İdarəetmə Milli Agentliyi sığınacaqlarda olan 400 mindən çox sakinin təxliyə edildiyini bildirib.