Avstraliyada oktyabrın ortalarından başlayan yanğınların masştabı son günlərdə daha da genişlənib.
AZƏRTAC xarici mediaya istinadən xəbər verir ki, ölkədə yanğınlar başlayandan bəri 7 milyon hektara yaxın ərazi yanıb, azı 24 nəfər və yüz milyonlarla heyvan ölüb, 17 nəfər itkin düşüb. Nəhayət, bu gündən başlayaraq ölkə ərazisinə yağış yağmağa başlayıb. Belə ki, ölkənin cənub-şərq sahillərində yağış yağıb və bu, yanğınsöndürənlərin yanğınla mübarizədəki işini bir qədər asanlaşdırıb. Amma Yeni Cənubi Uels və Viktoriya ştatlarında hələ də 170-ə yaxın yanğın ocağı qalmaqdadır.