DÜNYA


Avstraliyada meşə yanğınlarından sonra dolu və qum fırtınası

Avstraliyada təbii fəlakətlər davam edir. Güclü yanğınlardan sonra leysan və qum fırtınasına məruz qalan qitəyə indi qolf topu boyda dolu yağıb.
AZƏRTAC DHA-ya istinadən bildirir ki, Yeni Cənubi Uelsdə son sutka ərzində qolf topu boyda yağan dolu nəticəsində xəsarət alanlar var. Ölkənin müxtəlif rayonlarında qum fırtınası və küləyin surəti saata 100 kilometrə çatıb. Viktoriya, Cənubi Avstraliya və Tasmaniya ştatlarında isə meşə yanğınları davam etməkdədir.