Sərnişin təyyarəsi təcili eniş edib
04.02.2020 [16:55]
Kanada hava yolları şirkətinə “Air Kanada”ya məxsus “Boinq 767-300” tipli sərnişin təyyarəsi texniki nasazlıq səbəbindən İspaniyanın paytaxtı Madridin Barayas hava limanına təcili eniş edib. AZƏRTAC "The Sun"a istinadən xəbər verir ki, texniki nasazlıq təyyarənin şassisi ilə əlaqəli olub. Təyyarənin eniş etmədən öncə yanacağın bitməsi üçün Madrid səmasında 2 saata yaxın uçuş etdiyi deyilir. Bu səbəbdən hava limanı 2 saat bağlı olub. Sərnişin təyyarəsi Toronto marşrutu üzrə hərəkət edirmiş.
