CƏMİYYƏT


Binəqədi rayonunda gizli fəaliyyət göstərən restoran aşkarlanıb

Binəqədi rayonunun 8-ci mikrorayon, Azadlıq prospekti 174 ünvanında xüsusi karantin rejimi qaydalarına zidd olaraq gizli fəaliyyət göstərən restoran aşkarlanıb.
Daxili İşlər Nazirliyinin mətbuat xidmətindən AZƏRTAC-a bildiriblər ki, Binəqədi Rayon Polis İdarəsinin 5-ci polis bölməsinin əməkdaşları tərəfindən keçirilən tədbir zamanı qeyd olunan ünvanda yerləşən “Pink-House” restoranının sahibi Pərviz Hüseynov və obyektin inzibatçısı Seyran Əsgərzadənin karantin qaydalarını pozaraq müştəri qəbul etdiyi məlum olub. Obyektə baxış zamanı P.Hüseynov, S.Əsgərzadə və orada olan səkkiz müştəri saxlanılaraq rayon polis idarəsinin 5-ci polis bölməsinə gətirilib.

Embed code:

© Materiallardan istifadə edərkən hiperlinklə istinad olunmalıdır