İQTİSADİYYAT


İkinci əkin yüksək məhsuldarlığın təminatıdır

Torpağın tərkibinin zəngin olması və ona qulluq etmə bacarığı nəticəsində bəzi fermerlər bir mövsüm ərzində iki dəfə əkin edə bilir. Bu üsuldan istifadə edənlər nəticədə yaxşı da məhsul əldə edə bilirlər.
AZƏRTAC xəbər verir ki, qərb bölgəsində fermerlərin əkin sahələrindən bir mövsümdə iki dəfə əkin etməsi son vaxtlar geniş şəkil alıb. Kartofu, taxılı eləcə də digər yay məhsulunu yığdıqdan sonra torpaq sahəsi boş qalır. Bundan faydalanan bəzi fermerlər torpaqdan ikinci dəfə yenidən yararlanmağı bacarır. Biçilmiş taxıl sahəsinə nə od vurulur, nə də boş buraxılır. Torpağın məhsuldarlığı da yüksək qalır. Məhsul yığımından dərhal sonra isə sahəyə başqa bir məhsul əkilir.