İQTİSADİYYAT


Kürdəmirdə 13 kilometrlik avtomobil yolu yenidən qurulur

Azərbaycan Respublikası Prezidentinin tapşırığına əsasən regionların inkişafı ilə bağlı qəbul edilən Dövlət proqramlarına uyğun olaraq yolların müasirləşdirilməsi istiqamətində işlər davam etdirilir. Bu istiqamətdə Azərbaycan Avtomobil Yolları Dövlət Agentliyi (AAYDA) tərəfindən Kürdəmir rayonunda başlanğıcını Ağsu-Kürdəmir-Bəhramtəpə avtomobil yolunun 26-cı kilometrdən götürən və 13 kilometr uzunluğa malik Qarasaqqallı-Cəyli avtomobil yolunun yenidən qurulması işləri artıq yekunlaşmaq üzrədir.