Uzunluğu 25,6 kilometr olan Ağsu-Çaparlı-Göylər avtomobil yolunun təmirə ehtiyacı var.
AZƏRTAC xəbər verir ki, bu yol uzun illərdir baxımsız vəziyyətdədir. Bu yoldan Ağsunun 10 min nəfər əhalisi olan 11 kəndinin, habelə Şamaxının 2 kəndinin sakinləri istifadə edirlər. Düzdür, bu günə qədər yolda cəmi bir dəfə təmir işləri aparılıb, amma sakinlərin sevinci çox çəkməyib. Yol yenidən yararsız vəziyyətə düşüb. Yerli sakinlər və sürücülər yolun təmir olunmasını istəyirlər.