SİYASƏT


Qazaxın dörd kəndinin azad edilməsi Prezidentə məruzə olundu

Bu gün Qazax rayonunun işğaldan azad edilən dörd kəndində Azərbaycanın Dövlət bayrağı ucaldılıb. Dövlət Sərhəd Xidməti bununla bağlı Prezident İlham Əliyevə məruzə edib. Qeyd edək ki, Azərbaycan və Ermənistan arasında delimitasiya işləri nəticəsində 12,7 km uzunluğunda sərhəd xətti müəyyən edilib və bununla da Qazax rayonunun dörd kəndi - Bağanıs Ayrım, Aşağı Əskipara, Xeyrımlı və Qızılhacılının ərazilərinin Azərbaycana qaytarılması təmin edilib. Həmin ərazilər mayın 24-də Dövlət Sərhəd Xidməti tərəfindən nəzarətə götürülüb.