Fernandu Santuş: Bir ildən sonra Azərbaycan millisi bütün rəqibləri ilə başabaş mübarizə aparacaq gücdə olacaq
13.10.2024 [19:10]
Xəbərin mətni
"Sabahkı matçda xal qazanmaq istəyirik".
AZƏRTAC xəbər verir ki, bu sözləri Azərbaycan yığmasının baş məşqçisi Fernandu Santuş UEFA Millətlər Liqasının IV turunda Bakıda Slovakiya seçməsi ilə keçirəcəkləri oyundan əvvəl təşkil olunan mətbuat konfransında deyib.
O, sabahkı oyunda Bədavi Hüseynovu kapitan olaraq çıxarmağı planlaşdırdığını bildirib: "Çünki onda liderlik xüsusiyyətləri var. Emin Mahmudovu da çox bəyənirəm".
