Sabunçu rayonunda avtomobili qəsdən yandıran şəxslər saxlanılıblar
01.08.2025 [19:27]
Xəbərin mətni
İyulun 27-də Sabunçu rayonu ərazisində paytaxt sakininə məxsus “VAZ-2109” markalı avtomobilin yanması barədə polisə məlumat daxil olub. Sabunçu Rayon Polis İdarəsinin əməkdaşları tərəfindən keçirilən tədbirlərlə avtomobilin qəsdən yandırılması müəyyən olunub. Həmin əməli törətməkdə şübhəli bilinən Məmməd Cabarov və əvvəllər narkotiklə əlaqəli cinayətə görə məhkum edilmiş Ruslan Xəmmədov saxlanılıblar.
