Arzu Nağıyev: Azərbaycan, Türkiyə və Gürcüstan arasında əməkdaşlıq təhlükəsizlik sahəsində də strateji xarakter daşıyır
24.02.2026 [18:58]
Xəbərin mətni
Bugünkü görüş üç ölkə arasında strateji tərəfdaşlığın parlament ölçüsündə də dərinləşdirilməsi baxımdan xüsusi bir platformadır. Müzakirə etdiyimiz mövzular mühüm əhəmiyyət kəsb edir. Regional təhlükəsizlik və parlament dostluq qruplarının fəaliyyəti təkcə siyasi gündəliyin tərkib hissəsi deyil, eyni zamanda, regional sabitliyin və inkişafın əsas sütunlarından biridir. AZƏRTAC xəbər verir ki, bu fikirləri Milli Məclisin Müdafiə, təhlükəsizlik və korrupsiya ilə mübarizə komitəsinin sədri Arzu Nağıyev Azərbaycan, Türkiyə və Gürcüstan parlamentlərinin xarici əlaqələr komitələrinin onuncu üçtərəfli iclasında çıxışı zamanı səsləndirib.
