BMT rəsmisi: Azərbaycan WUF13 çərçivəsində məsələlərin müzakirəsi üçün mühüm platforma təqdim edəcək
01.05.2026 [15:02]
Xəbərin mətni
Bu, mənim Qarabağa ilk səfərimdir və bu dəvətə görə Azərbaycan hökumətinə minnətdaram. Fəaliyyət göstərdiyimiz ölkəni yaxından tanımaq, onun tarixini və üzləşdiyi çətinlikləri anlamaq olduqca vacibdir. Eyni zamanda, Azərbaycanın sülh istiqamətində apardığı işlər diqqətəlayiqdir və bu səylər beynəlxalq ictimaiyyət tərəfindən tanınır. Bu sözləri diplomatik korpus nümayəndələrinin Şərqi Zəngəzur və Qarabağa səfəri çərçivəsində Xankəndiyə gələn Birləşmiş Millətlər Təşkilatının (BMT) Azərbaycandakı rezident-əlaqələndiricisi vəzifəsini müvəqqəti icra edən İqor Qarafuliç deyib.
